Davao City – Giawhag sa Davao City Coronavirus Disease 2019 (COVID-19) Task Force ang publiko nga pahimuslan ang kahigayonan nga makabakuna ilabi na sa himuong tulo (3) ka adlaw nga National Vaccination Days karong December 5-7, 2022.
Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), dihni sa Davao City, daghan na ang naka-avail sa ilang primary dose sa COVID-19 vaccine, apan nagpabiling ubos ang mga nag-avail sa ilang booster dose sa bakuna.
“With those kind of activities, mga Bakunahang Bayan nato, we will be given a chance nga mapataas ang atoang number of boosted individuals. Kay kung naay mga ingon ana nga activities, mas ma-engganyo man ang mga tao nga magpabakuna,” matud ni Schlosser.
Subling gipasabot sa health official ang importansya ug benepisyo sa pag-avail sa booster dose ilabi na nga lauman ang wala ug tuo nga gathering o panagtapok karong holiday season.
RadyoMaN Kirby Manzon
Facebook Comments
