Davao City – Gipadangat sa City Government of Davao ang mensahe alang sa selebrasyon sa Eid al-Adha kun Festival of Sacrifice sa Muslim community kagahapong adlawa (Hulyo 20, 2021) isip pinaka-importanteng holiday sa Islamic calendar.
Sa mensahe ni Davao City Mayor Sara Duterte-Carpio, nanghinaut kini sa tanang Muslim nga padayon nilang maangkon ang kalinaw ug kadagaya luyo sa padayong gi-atubang nga krisis karon hatud sa pandemya.
“As we celebrate this year’s Feast of Sacrifice (Eid al-Adha) with our families, let us not forget to celebrate with purity of heart, good intention, love, compassion and the consciousness to always keep ourselves, our homes and communities safe in this time of the pandemic,” mensahe sa mayor.
Gisulti sa alkalde nga kanunay niyang gipahinumdom ilabi na sa mga religious leader, ang pagpatuman sa minimum public health standards batok Coronavirus Disease 2019 (COVID-19) atol sa aktibidad ug giawhag kini nga himuon sulod sa panimalay aron malikayan ang risgo sa COVID-19 transmission.
Gideklara usab kagahapong adlawa nga usa ka regular holiday subay sa Proclamation No. 1189 nga gilagdaan ni Presidente Rodrigo Duterte.
RadyoMaN Kirby Manzon
