LGU Davao mudawat og donasyon alang sa Bagyong Paeng victims

Davao City – Gikalipay ug nagpasalamat ang Davaoeños sa inisyatibo sa City Government of Davao sa pagdawat og donasyon sa publiko nga itabang sa mga indibidwal nga naapektuhan sa pag-igo ni Bagyong Paeng.

“Salute Dabawenyos! Keep it up. (Kung) naa lang ko diha mutabang gyud ko’g pack. God bless Davao,” komento ni Rain Thunder sa Facebook page.

Nagmontar karon og mga lugar kung asa pwedeng ibilin sa mga indibidwal ang ilang mga donasyon o tabang nga itunol sa Bagyong Paeng-affected areas.

Ang unang drop-off point nahimutang sa Rizal Park o kilid sa Davao City Hall diin kini mudawat hangtud November 5, 2022, gikan alas 8:00am – alas 5:00pm.

Ikaduhang drop-off area anaa sa Task Force Davao HQ, Sta. Ana Wharf, Davao City sugod alas 7:00am – alas 7:00pm.

Sa pagkakaron, ang mga biktima nanginahanglan og pagkaon (ready to eat), bottled water, hygiene kits, sleeping materials (banig, blanket), utensils, candies and toys (for psychosocial intervention for children) ug medisina.

RadyoMaN Kirby Manzon