Davao City – Naglaum si Davao City Mayor Sara Duterte-Carpio nga mapaluagan pa ang quarantine status sa syudad sa Davao gikan sa kasamtangang General Community Quarantine (GCQ) with heightened restrictions.
Matud ni Mayor Sara (sa interbyu sa city-owned radio), nga mas maayo kung magbaton na lamang og GCQ nga walay restrictions apan kini magdepende gihapon sa desisyon sa Inter-Agency Task Force (IATF) subay sa ilang assessment sa datos sa kaso sa Coronavirus Disease 2019 (COVID-19) sa Local Government Unit (LGU)-Davao.
“We are still under GCQ with heightened restrictions. We hope to be downgraded to GCQ nalang, wala ang heightened restrictions. Hopefully, mahatag na sa atoa sa IATF but of course, we will accept na kung unsa ilahang i-classify nga community quarantine for Davao City,” sulti sa alkalde.
Gipasabot ni Mayor Sara nga mas daghang negosyo ang maka-operate sa mas luag nga quarantine classification aron mas mabalanse usab economic activities luyo sa pandemya.
Gibutyag usab ni Duterte-Carpio nga naga-ubos karon ang kaso sa COVID-19 apan taas ang critical care utilization sa syudad o kadtong mga severe ug critical cases nga anaa sa mga balay tambalanan kun ospital sa dakbayan.
RadyoMaN Kirby Manzon
