Gibutyag ni Davao City Mayor Sara Duterte-Carpio (sa interbyu sa city-owned radio), nagpabiling zero case ang syudad sa bird flu, samtang hugot ang ginapatumang quarantine measures batok niini.
“Ongoing ang surveillance ani (bird flu) sa mga doktor ug personnel nato sa hayop, and duna silay quarantine measures ginabuhat sa 15 veterinary quarantine checkpoints,” sulti sa alkalde.
Niadtong Mayo 19, 2022 sa dihang nagpagawas ang Local Government Unit (LGU Davao) og Executive Order (EO) No. 19 o ang temporaryong pag-ban sa poultry products partikular na kadtong gikan Luzon ug uban pang lugar nga apektado sa Highly Pathogenic Avian Influenza (HPAI) H5N1 strain o bird flu.
Samtang, gikan sa Enero 6, 2022 hangtud Mayo 2 ning tuiga, wala usay na-report nga kaso sa ASF sa dakbayan. Nagpadayon usab ang ginahimong surveillance batok niini.
“From our City Veterinarian’s Office, no reported case of ASF (African Swine Fever) from January 6 to May 2, (2022). Ang ilang surveillance nagpadayon gihapon both sa slaughtering and sa live, and so far, negative sila,” butyag ni Mayor Sara.
RadyoMaN Kirby Manzon
