Davao City – Mihatag og pagtugot ang City Government of Davao sa mga pribadong lugar nga iakomodar ang mga nag-edad 5 anyos pataas kung ipailawom sa General Community Quarantine (GCQ) o Modified General Community Quarantine (MGCQ) status ang dakbayan.
Matud ni Davao City Mayor Sara Duterte-Carpio (sa interbyu sa city-owned radio) nga mamahimong makagawas ug maka-adto sa maong areas ang nag-edad og 5 anyos pataas subay sa guidelines gikan sa Inter-Agency Task Force (IATF) alang niini.
Apan giklaro sa alkalde nga magpabiling sirado sa publiko ang mga areas nga iya sa gobyerno subay na usab sa direktiba sa lokal nga panggamhanan.
“(Ang) city-government owned and controlled areas dili pa (open) sa pagkakaron, pero ang private naa silay mga ing-ana nga areas for 5 years old above then wala ‘tay problema ana,” tataw sa mayor.
Samtang, gipahinumdom gihapon ang pag-uban sa mga ginikanan sa 5 anyos pataas sa ilang outdoor activities apan gidid-an gihapon nga mosulod sa malls ug sa mga lugar nga anaa ilawom sa “GCQ with heightened restrictions.”
RadyoMaN Kirby Manzon
