Kagahapong adlawa (Marso 7, 2022) gipagawas sa City Government of Davao ang Executive Order (EO) No. 10 Series of 2022 o AN ORDER PROVIDING GUIDELINES IN SECURING THE REQUISITE PERMIT IN THE CONDUCT OF ELECTION CAMPAIGN ACTIVITIES IN DAVAO CITY UNTIL MAY 8, 2022, IN CONNECTION WITH THE NATIONAL AND LOCAL ELECTIONS.
Sa Section 4 sa EO, automatic approval o dili na kinahanglan pang mukuha og permit sa Local Government Unit (LGU) ang political parties ug organizers. Inay, pwede na silang modiretso sa Regional or District Election Officer alang sa ilang himuong aktibidad gawas lang sa motorcades ug caravans nga gidili subay sa direktiba.
Matud ni Davao City Mayor Sara Duterte-Carpio (sa livestream intebyu sa iyang official Facebook page), kinahanglan lamang nilang i-comply ang mga rekisitios sama ugaling kung adunay bayran nga nakalatid sa balaod o ordinansa sa LGU.
“If they are required by ordinance or by law to pay regulatory fees, kinahanglan gihapon nila bayran tong mga fees. Kung man naa nay ingon ana nga requirement sa balaod or sa ordinansa nato dinhi sa syudad sa Davao, and then once mabayran nila deemed approved na ang ilahang events,” matud sa mayor.
Gipasabot sa alkalde nga gawas nga magresulta sa huot nga dagan sa trapiko ang pagpahigayon og motorcades ug caravans, taas usab karon ang presyo sa gasolina rason nga maapektuhan niini ang mga mutambong sa aktibidad.
Dinhi sa dakbayan, mamahimong makapahigayon ang mga kandidato og In-person campaign, Rallies, Caucuses, Meetings, and Conventions, Miting de Avance ilawom sa new normal.
RadyoMaN Kirby Manzon
