Atol sa Basta Dabawenyo Episode 8, gi-report ni 3rd District Councilor Trisha Ann “Doc Potpot” Villafuerte kang Davao City Mayor Sebastian “Baste” Duterte nga walay pay kumpirmadong kaso sa Mpox sa syudad, apan ilahang gipakusgan ang kampanya aron masayud ang publiko kung unsa ang maong sakit ug kung paunsa kini mapugngan nga mukatag.
Matud ni Dr. Villafuerte, sama sa COVID-19 nga usa ka viral infection, kinahanglan sab nga ma-isolate o i-quarantine ang mga natakdan aron nga dili na makatakod pa sa uban.
“Atong pagpangandam ana is awareness sa mga tawo gikan sa private sectors ug barangay level. Magkaroon ‘ta og proper dissemination sa tanan. Ang treatment sa COVID, lahi pud sya. Bug-at gyud ‘to pero atong himuon, awareness gyud sya. Basta viral, mukatag gyud sya basta walay proper awareness ang mga tawo,” saysay ni Villafuerte.
Dugang sulti ni Dr. Villafuerte, sagad risgo sa maong sakit nga mamahimong muresulta sa kamatayon mao ang mga 1 year old paubos, dunay mga sakit ug mga buntis.
RadyoMaN Kirby Manzon
