Davao City – Dako ang pagmahay sa usa ka batan-on human kini nadakpan sa gikasang buy-bust operation sa Purok 6, Barangay Poblacion New Corella, Davao del Norte ala 1:59 sa kaadlawon, Hulyo 5, 2023.
Sa interbyu sa DXDC RMN Davao kang Police Corporal William Raboy, imbestigador sa New Corella Municipal Police Station (MPS), napalitan ug nakumpiska ang upat (4) ka pakete sa gituohang shabu gikan sa suspek nga si alyas Janjan, 26 anyos, job order sa Local Government Unit (LGU) New Corella
“Nagagamit pud sya usahay (og droga) gi-angkon pud niya. Pero dili nato na (ma-confirm) hangtud dili nato makita ang result sa crime laboratory sa iyang ihi,” matud sa imbestigador.
Kasong paglapas sa Republic Act 9165 kun Comprehensive Dangerous Drugs Act of 2002 ang atubangon sa dinakpan.
RadyoMaN Kirby Manzon
Facebook Comments
