LGU Libacao nag offer it P50K nga reward sa makaturo sa mga suspek nga nagpatay sa sangka lending collector

102

Libacao, Aklan – Nag offer eon do Local Government Unit (LGU) it Libacao it hayga nga P 50,000.00 para sa makatao it impormasyon agod nga madali ro pagka aresto sa mga responsable nga nagbaril-patay sa lending collector ko nagtaliwan nga Hulyo 26, 2019.
Suno kay Mayor Charito Navarosa nga ginahinyo nana rong mga pumueoyo nga magkooperar sa mga otoridad para sa pagtao it mga impormasyon nga makabulig sa madasig nga imbestigasyon it mga kapulisan ag pagresolba ko kaso.
Nagpanawagan man imaw sa mga suspek nga kung pwede hay mag surrender eon agod nga malikawan ro anumang nga bayolenteng tikang it mga pulis.
Kung matandaan nga ginbaril-patay ag gin hold up pa rong biktimang si John Rey, Madera, 26-anyos, collector it ASA Philippines Foundation Micro Finance ko Hulyo 26, 2019 samtang sakay it anang motorsiklo sa may Sitio Balisong, Pampango, Libacao ag ginbuoe ro kwarta ag mga kagamitan it biktima.
Matapos rong insidente hay madasig nga naeagyo ro mga suspek kung sa siin daywa eon kanda kara ro naha kilaea samtang rong daywa hay nagapabilin nga uwa pa makilaea.
Sa makaron hay padayon pa rong imbestigasyon it Libacao PNP sa nasambit nga krimen.


Facebook Comments