LGU Maco nagplano na bahin sa relocation site alang sa mga apektado sa Masara landslide

Davao City – Samtang nagapadayon ang operasyon sa ground zero sa Masara, Maco. Davao de Oro, nagsugod na sab ang planning sa lokal nga panggamhanan alang sa mga pamilyang kasamtangang anaa sulod sa evacuation centers kung asa sila ipahimutang.

Atol sa press briefing, gibutyag nila Leah Añora gikan sa Davao de Oro Department of the Interior and Local Government (DILG) ug Head sa Management of the Dead and Missing (MDM) Cluster ug ni Engr. Ferdinand B. Doble, ang Admin Division Manager sa APEX Mining Co., Inc. nga nagpulong na ang lokal nga mga opisyales kauban ang mga ahensya sa Davao de Oro aron hisgutan ang alternative relocation site sa mga pamilyang nawad-an og panimalay sa landslide.

Dugang pa nga gimanduan sila nga mapadali kini tungod apektado na sab ang klase sa mga tulunghaan nga gihimong evacuation centers.

“Naapektuhan na din ang mga school goers. That’s why immediately merong mandate for the inter-agency working on this like the MGB, DSWD and all mga offices, municipal and provincial to look for an alternative relocation sites,” matud pa ni Doble.

RadyoMaN Ivy Parido