Davao City – Walay gikareport nga casualty o nadisgrasya sa pagtaas sa tubig sapa sa Barangay Shanghai, Malita, Davao Occidental kagahapong adlawa (November 16, 2021).
Sa interbyu sa DXDC RMN Davao kang Alona Estrella, Public Information Officer (PIO) sa Malita, gibutyag niini gilayong gipa-standby ang Municipal Disaster Risk Reduction and Management Office (MDRRMO) ug rescue team sa lugar pagsigurong luwas ang mga residente human nga miapaw ang tubig sa sapa ug adunay report nga nagubang tulay sa maong barangay.
Matud ni Estrella, nakaandam usab ang mga evacuation centers ugaling imando ang pagpanghikling ug pagtunol sa mga nag-unang panginahanglan sa apektadong pamilya.
Panawagan sa local official sa taga Malita nga kanunay mag-alerto ug mutabang aron maproteksyonan ang kinaiyahan nga posibleng magdala og kalamidad kung dili maatiman.
“Kitang tanan, especially ang taga Malita because naa ‘tay low land, naa ‘tay upland kung diin talagang dadaloy po ang tubig nga dili na ‘ta makabalo ingon ana na diay. So karon pa (lang), dapat mag-environmental protection like we clean the drainage, yung mga kanal po natin,” matud ni Estrella.
Subling gipanawagan ang mga residente nga boluntaryo na nga mag-evacuate ugaling padayon gihapong motaas ang tubig aron malikayan na ang unsa mang disgrasya.
RadyoMaN Kirby Manzon
