Davao City – Giawhag sa City Government of Mati sa Davao Oriental ang mga ginikanan nga pabakunahan kontra tipdas kun measles ang ilahang mga anak nga nag-edad 5 anyos paubos (9 months to 59 months).
Kini human nga adunay tulo (3) ka suspected cases sa measles nga natala sa syudad diin usa niini naggikan sa Barangay Sainz ug duha naggikan sa Barangay Matiao.
Ginaproseso na karon ang pagpailawom sa blood serum sample ngadto sa Regional Epidemiology Surveillance Unit (R ESU) nga mudagan og 2-3 weeks ang hulaton aron makumpirma ang balatian.
Maglusad usab karon ang Mati City Health Office og Outbreak Response Immunization (ORI) o paghatag og bakuna kontra tipdas ilabina sa mga wala pa nakadawat niini.
Ang measles makatakod pinaagi sa droplets o duol nga pakighalubilo sa mga tawong adunay sakit nga tipdas, diin proteksyon usab ang pagsuot og face mask ilabi na sa dagsa sa mga tawo.
RadyoMaN Kirby Manzon
Facebook Comments
