Sa interbyu sa DXDC RMN Davao kang IGaCoS Vice Mayor Lemuel Reyes, subay sa saad sa Northern Davao Electric Cooperative (NORDECO), sa Hunyo 30, 2023 masolusyonan na sa hingpit ang brownout nga nasinatian sa mga residente.
Dugang sa bise mayor nga bisan sa dugang generator set nga gimontar sa electric company, aduna gihapoy brownout nga masinatian apan dili na taas kung itandi sa nakalabay nga mga bulan.
“Sa petsa 30 (sa June), hopefully nga masumpay ang submarine cable kay ilaha man daw ning paningkamutan para dili maka-experience diri og blackout. Normal ra man nang naay blackout pero dili lang ingon ana kadugay nga maabot og unom ka oras ug ang rason lang kay nadaut ang genset,” saysay sa bise alkalde.
Una nang nangayo og pasaylo ang NORDECO atol sa Senate hearing tungod sa power crisis ug mipasalig nga solusyonan ang maong problema.
RadyoMaN Kirby Manzon
