Ginpahayag ni Mayor Rhumyla Nicor-Mangilimutan nga isa ka dako nga risgo para sa kumunidad sang iya banwa ang pagpauli sang mga pamilya nga halin sa isa ka lugar nga may madamo sang kaso sang Covid-19 gani imbis nga magpauli sila ginpakamaayo sang alkalde nga maghatag na gid lamang anay sang financial assistance sa ila imbes nga magpauli sila tub-tob nga magbalik na sa normal ang tanan.
Apang sa mga nakapauli na nga locally sranded individual (LSI) nagakadapat gid lamang nga magsunod sila sa nagakaigo nga protocols sang Department of Health (DOH) pareho sang swabtest kag 14 ka adlaw nga quarantine.
Suno kay Mangilimutan nga sa karun may ara masobra sa 80 ka mga LSI ang La Castellana kag ini sila ara sa quarantine facility nga nahamtang sa evacuation center sang banwa sa Brgy. Robles.
Sa 13 ka mga Barangay sang banwa iya ginhingyo ang mga kapitan nga magbutang sang lugar nga mangin quarantine facilities agud inde na mabudlayan kun may ara nga makapauli nga LSI kag magahatag naman sang pundo ang Alkalde para mapakaayo ang lugar nga ila matiniran.
Dugang pa ni Mangilimutan nga ang balatian nga Covid-19 ang mahapos malikawan basta magbuligay lamang ang mga pumuluyo kag gobyerno paagi sa pag sunod sang mga patakaran pareho sa pagtiner sa balay, magpanghugas sang kamot, social distancing kag pagamit sang face mask.
Samtang nakabaton naman si Mayor Mangilimutan sang certificate halin sa DOH- Western Visayas, Center for Health Development matapos nga nakapasar sa guidelines sang DOH ang Mount Kanlaon Natural Park hostel nga nahamtang sa Sitio Calapnagan, Brgy. Biak na Bato bilang DOH Certified Community Isolation Unit para sa banwa sang La Castellana.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
