Ginakasubo sang lokal nga panguluhan sang banwa sang Maasin ang nagluntad nga ambush sa Sitio Camansi, Barangay Bolo kagab-i nga nagresulta sang kamatayon sang isa ka pulis kag pagkapilas sang 12 pa ka iban.
Ginpahayag ni Vice-mayor Francis Amboy nga indi maayo a ng nagakatabu sa banwa sang maasin ilabi pa nga sang nagligad lamang nga hunyo ginsulod man sang mga rebelde nga NPA ang ila police station kag sang damlag lang may nagluntad man nga engkuiwentro sa barangay Trangka.
Ginhatagan pagtamod sang bise-alkalde sang maasin nga bug-os gid ang suporta sang LGU Maasin sa mga pulis sa pagtinguha nga mangin malinong klag matawhay ang banwa sang Maasin.
Ginakabig ni Amboy nga isa ka panghangkat sa ila nga mga opisyal sang banwa agud mapasiguro ang malinong nga komunidad sang Maasin.
