Sa pamahayag ni Sta. Cruz Mayor Jose Nelson ‘Tata’ Sala Sr., gipanigurado niini nga andam silang makig-alayon sa National Bureau of Investigation (NBI) XI ug gipanaad nga iyang pakgangon ang illegal nga mga transaksyon ubos sa iyang administrasyon.
Ilawom sa pagdumala sa mayor, iyang gibutyag nga maglusad sab sila og kaugalingong fact-finding investigation aron masuta ang maong isyu.
Kahinumdoman nga niining July 2024 lang, gikumpirma ni NBI XI Regional Director Atty. Arcelito Albao nga gawas sa naunang 200 fake birth certificates, aduna usab sila’y nasubay nga 1,200 ka mga pekeng dokumento nga gidudahang giisyu alang sa mga Chinese National. Ug sa karon, na-relieve na usab sa pwesto ang hepe sa maong Local Civil Registar (LCR).
Gisuwayan usab og kuha sa DXDC RMN Davao ang bahin sa Philippine Statistics Authority (PSA) Davao Region kalabot niini apan wala pa silay gipagulang tubag.
RadyoMaN Ivy Parido
