Davao City – Ginasuta na karon sa City Government of Tagum ang mga mag-uuma sa dakbayan nga posibleng maapektuhan sa El Niño nga laumang masinatian sugod sa Hunyo karong tuiga, 2023 matud sa Philippine Atmospheric, Geophysical and Astronomical Services Administration (PAGASA).
Sa interbyu sa DXDC RMN Davao kang Tagum City Mayor Rey Uy sa programang Straight to the Point uban si RadyoMaN Bernard Pantallon, gisulti niini nga ilahang ginasigurado nga maayudahan ang mga mag-uuma sa syudad ilabi na gyud kadtong maapektuhan sa nahisgutang phenomenon.
“Akoa nang gipasubay kinsa to atoang mga mag-uuma (nga) nananum og humay, mais, gulay, mga coconut farmers. Akoa nang gipa-identify kay para masigurado ta nga atong tagaan kung naa man gani ayuda, sila,” sulti sa alkalde.
Nasayrang gipangandaman na usab sa Department of Agriculture (DA)-XI ang epekto sa El Niño diin aduna na silay gitagana nga P20 million alang niini.
RadyoMaN Kirby Manzon
Facebook Comments
