LGUs gimandoan nga magbaton og evacuation centers sa mga hayop

Davao City – Gawas sa pag-secure kun pagluwas sa kinabuhi sa tawo, gihatagan sab karon og prayoridad sa Office of the Civil Defense (OCD)-XI ang pagsiguro nga maluwas usab ang mga kahayupan panahon sa kalamidad ug unsang emerhensiya.

Atol sa Kapihan sa Bagong Pilipinas, gisaysay ni Ednar Dayanghirang, Regional Director sa OCD-XI nga gimando na karon sa mga Local Government Unit (LGU) ang pagtagana og area sa kahayupan nga gipanghikling. Gibutyag ni Dayanghirang nga usa sab sa rason nganong magdumili usahay ang residente sa pag-evacuate tungod kay dili nila mabiyaan ang ilang hayop.

“So, part na yan ngayon ng system natin na ang LGUs are required to indentify areas kung saan ilalagay ang mga hayop ng mga tao na dadalhin nila para pag-evacuate, kasama ng mga hayop nila,” saysay ni Dayanghirang.

Samtang, matud sa OCD-XI official nga nagahimo na karon og gamay nga evacuation center sa municipal-level tungod kay sagad mga evacuation center dako ang design rason nga sagad layo na kini matukod tungod kay walay available nga dakong luna sa sentro nga bahin.

Dugang pa nga ginadawat karon ang mga proposal sa mga munisipalidad nga wala pay mga pasilidad aron kini mapondohan alang sa sunog tuig, 2025.

RadyoMaN Kirby Manzon