Davao City – Gireklamo sa Sta. Ana PNP ang usa ka liaison officer ug collector sa usa kompanya nga naga negosyo ug cellphone ning siyudad tungod kay wala kini gi-remit ang contribution sa iyang mga kakaubanang trabahante.
Complainant nagpaila nga si Zeus Gales Padonia, hamtong ang pangidaron ug residente sa NHA Buhangin kauban ang usa sa mga secretary sa nahisgutang establisemento.
Gireklamo niini ang ilang liaison officer nga si Daniel Callao Bragsa, hamtong, nagpuyo sa may Fallwood Alley Malasuge St. ning siyudad.
Sumala sa complainant nga alas 2:30, adlaw’ng Sabado, samtang nag duty kini sa phone shoppe nga gipanag-iyahan sa maong kompanya sa usa ka mall, nakadawat kini og final demand letter gikan sa Collection Department sa ilang buhatan nga konektado usab sa opisina sa Pag-Ibig.
Sa kabalaka sa complainant, dali siyang midangop sa Sta. Ana PNP aron na iyang ipatala nga ang maong kwarta nga ingo’g bayad sa mga trabahante ngadto sa kontribtion sa Pag-Ibig anaa ngadto sa suspek nga si Mr. Bragsa na mao ang ilang sinaligan nga liaison ug collection officer.
RadyoMaN Paul Canono
