Gi-aresto sa kapulisan ang usa ka liaison officer ug kanhi pulis human naaktuhang nagamit sa illegal nga druga.
Ang mga suspek mao silang Janus Leyson, 34 anyos, ulitawo, usa ka liaison officer sa Cagayan de Oro City Mayor’s Office ug taga Barangay 15 ning syudad.
Gawas kang Leyson, naaresto usab ang kauban niining kanhi pulis nga si Rico Gallardo Jr., 33 anyos, ulitawo nga taga Villa Angela Subdivision, Barangay Balulang.
Nasikop ang duha pinaagi sa joint anti-illegal drug operation sa Regional Drug Enforcement Unit ug kapulisan sa Cagayan de Oro mga alas 8:40 kagabi-e sa Burgos-Macahambus Streets.
Nakuha gikan sa duha ang shabu nga nagkantidad sa usa ka libo ka pesos ug mga drug paraphernalia.
Detinado karon sa Maharlika Detention Cell ang duha ka suspek.
By: RadyoMaN Annaliza Amontos-Reyes
