Napirmahan na ni Governor Arthur Defensor Sr. ang iya reklamo batuk kay anay Provincial Administrator Manuel Mejorada.
Suno kay Governor Defensor nga iya ipasaka ang lima ka counts sang kaso nga Libel batuk kay Mejorada buwas nga adlaw (Enero 23).
Ginhatagan pagtamod sang gobernador nga napuno na ang gantangan kag dapat na nga kalison kabangdanan nga magapasaka siya sang kaso batuk kay Mejorada nga suno sa iya wala untat nga nagaguba kag nagamusing sang iya ngalan.
Suno kay Defensor nga indi siya basta na lamang maghipos karon bangud mahimo nga magpati pa ang mga pumuluyo sang probinsya sa kabutigan nga ginapalapta ni Mejorada batuk sa iya.
Gindugang pa sang gobernador nga humalin sang 1969 nga nagsulod siya sa politika, wala pa siya sang bisan isa nga nagabuyayaw kag nagapakamalaut sa iya nga ginpasakaan sang kaso.
Apang subong, indi na niya mabalewala ang pagtampalas sa iya ni Mejorada kabangdanan nga dapat na kalison kag kasuhan.
