Davao City – Gibasol sa Parents Mobilization Action Group (PMAG) ang hilabihan na kaayo ka liberated sa pagpanamit sa mga kababainhan karon rason ngano nag-una ang Davao City sa kaso sa lugos sa tibuok nasud kini subay sa crime statistics nga gipagawas sa nasudnong kapulisan ning baguhay lang.
Sumala ni PMAG Davao City President Febe Matthew, ang sobra ka liberated sa mga babaye ang rason ngano ang Dabaw maoy giilang siyudad sa nasud sa dunay pinakadaghan og kaso sa lugos karon.
Segun ni Matthew nga kun dili pa unta sobra kaayo kaigot manamit ang mga babaye karon dili unta matintal sa panglugos ang ubang kalalakin-an hatud sa kasilaw sa ka sexy sa pipila nga kuna lang nga maghubo.
Ang sobra ka pasyonista sa panamit sa bag-ong henerasyon karon maoy dakong factor aron madani ang lalake nga manglugos hilabi na kun walay paglaom nga ma-uyab ang babaye nga natangyan.
Busa gitambagan ni Matthew ang mga ginikanan nga giyahan sa saktong panamit ang ilang mga anak nga babaye aron layo sa temtasyon ug dili matripan ug malugosan sa manyakis nga lalaki.
RadyoMaN Joel Viray
