Liboan ka mga personahe sa PRO9 misaka ang ranko

Gipahigayon bag-ohay lang ang Simultaneous Oath-Taking, Donning, and Pinning of Ranks sa bag-ong na promote sa 2nd Level Uniformed personnel alang Calendar Year 2022 Regular Promotion Program didto sa Camp Crame, Quezon City pinangulohan ni PGen Rodolfo S. Azurin, Jr., Chief, Philippine National Police.

Dinhi sa Zamboanga Peninsula ang susamang kalihukan gihimo didto sa Camp Col Romeo Abendan, Mercedes, Zamboanga City uban si Regional Director PBGen Neil B. Alinsañgan.

Adunay 130 ka Police Commissioned Officers ug 1, 485 Police Non-Commissioned Officers ang na promote sa taas nga ranko.

Sa pamahayag ni RD PBGEN. Alinsañgan, matod niya ang promotion mao ang pag-uswag sa usa ka posisyon sa organisasyon, tungod sa ilang maayong trabaho.

Pinaagi ani nga nadawat nga pasidungog mahatagan ug dugang kahanas aron atubangon ang laing hagit isip sakop sa PNP alang sa umaabot pa nila nga posisyon.

Dinhi as Zamboanga del norte gihimo usab ang susamang kalihukan nga adunay na promote gikan sa 2 ka syudad ug 25 ka munisipyo sakop ning probinsya sa Zamboanga del norte sa pagpanguna ni Provincial Director PCOL Glenn Dulawan.