Davao City – Kapin usa ka libo ka mga bakanteng trabaho lokal ug overseas ang gitanyag ngadto sa katawhan atol sa RMN Serbisyo Publiko 2019 Job Fair subay sa ika-67 nga anibersaryo sa Radio Mindanao Network, Inc (RMN).
Gatusan ka mga job seekers dili lamang taga-Davao apan lakip na mga taga Surigao ug kasikbit nga mga probinsya nisalmot sa RMN Job fair nga gipahigayon sa Gaisano Grand Citygate Mall Buhangin.
Unom ka mga aplikante gilayon ang na-hire on-the-spot sa lokal ug overseas nga matang sa mga trabaho.
Usa kanila ang 23 anyos nga taga-Monkayo, Davao de Oro nga si Donna Paculanang kinsa hired on-the-spot sa iyang gi-apply nga trabaho abroad.
Matud ni PESO Davao OIC Lilibeth Pantinople, daghan gayud ang natabangan sa serbisyo sa RMN Davao.
Sa pikas bahin, natubag ug nasulbad ra gayud ang mga problema ug concerns sa katawhan pinaagi usab sa RMN Davao One-Stop-Shop uban ang mga partner government agencies sama sa Philippine Statistics Authority, PhilHealth, SSS ug Pag-ibig Fund.
Wala usay kabutngan sa kalipay sa mga suking tigpaminaw kinsa nalingaw sa mga padula ug mga papremyo sa paganguna usab sa mga taga RMN Davao DXDC 621 Radio Anchors ug Reporters ug iFM 93.9 DJs.
Segun ni DXDC 621 RMN Davao Special Projects Head Misel Miral Galve, nagmalampuson tuod ang anibersaryo tungod usab kay nakab-ot ang tinguha nga matabangan ang publiko.
RadyoMaN Aimee Guinita
