Librao ya na peligro el un pulis despues este queda victima dentiro na checkpoint na Curuan anoche.
El victima si CPL Cesar Gacosta designao na mencionao estacion ya sufri cuantos tiro na su cuerpo y ya leva conele na hospital.
Ta man checkpoint si Gacosta anoche serca man medio noche cuando tiene ya lang dos persona muntao na Yamaha Sniper motorsiclo ya llega.
Cuamdo para chequia canila si Gacosta derepente ya langbtira conele el ancas.
Masquin irido ya si Gacosta ya pwede pa le tira con el maga suspechao usando su M4 rifle.
Asegun ya tupa tamen con el ancas y ya tumba sila na motor.
Ya corre ya lang pies-pies el maga suspechao dehando con el diila motorsiclo y el 9MM pistola na calsada.
Facebook Comments
