Librao ya na peligro

7

Librao ya na peligro el man maridable y el diila pariente quien ya sostene quemadura na destos cuerpo despues el diila casa yan uput na fuego na Guadalupe Drive, Lower Cabatangan del Biernes aga.
Ciendo hinde man bien grabe el quemadura ya sostene canda Jose Barbas, 74, su esposa si Natividad Barbas, 71 y diila familia si Willy Legaspi, nohay mas con estos lleva pa na hospital.
Ya espanta ya lang el familia Barbas cuando ya arde el ariba parte del diila casa y dayun yan calayat el fuego hasta yan uput el diila casa.
Fuera con casa yan uput tamen el cuatro vejiculo del familia Barbas.
El bumbero ya puede afasigua con el fuego y nohay mas man calayat el fuego na otro maga casa.


Facebook Comments

From Advertisers