BACOLOD CITY – Magapanghatag sang libre nga school supplies ang ciudad sang Bacolod para sa tanan nga mga estudyante sang pampubliko nga elementary.
Ini ang ginpahayag ni City Coun. Cesar Distrito kadungan sa pag-anunsyo sa mga ginikanan nga indi na sila magbakal pa sang school supplies subong man bag bangud man libre nga ihatag ang ciudad.
Suno pa kay Distrito nga gin-ayo ni Mayor Bing Leonardia ang supplier sang school bags nga i-deliver ang mga school supplies antes ang pag bukas sang klase agud nga indi na kinahanglan pa magbakal ang mga ginikanan.
Nahibaluan nga kapin sa 40 mil tanan ka mga supplies ang natalana nga ipanghatag sang city government sa tanan nga mga estudyante sa public elementary schools sa Bacolod./ Jocelyn Sy contributed photo
