Libre Sakay ipatuman sang Bacolod sa 7 ka barangay padulong sa public plaza

Bacolod City – Igapatuman sang syudad sang Bacolod ang ‘Libre Sakay’ gamit naman ang duha ka tourist bus sang Bacolod lakip man mga trak sang garbage hauler nga IPM buwas nga adlaw kadungan sang transport strike sa bilog nga pungsod.
Ini ang maga-standby sa barangay hall sang pito ka barangay sang Bacolod kaangay sang Sum-ag, Handumanan, Estefania, Bata, Mansilingan, Granada kag Alangilan, padulong sa Bacolod City Public Plaza.
Una na nga nagdeklara si Mayor Evelio Leonardia sang suspension of classes tanan nga public schools (kinder, prep, elementary kag high school) sa Bacolod City buwas, Lunes Pebrero 27, 2017. Ang iya announcement resulta sang konsultasyon nga iya ginhimo sa DepEd Bacolod, Bacolod City Police Office kag Bacolod Traffic Authority Office.
Pero business as usual naman sa mga talatapan sang gobyerno kag pribado.
Pila naman sa mga private schools sa Bacolod City nga maga-suspend sang klase amu ang mga masunod:
University of St. La Salle University of Negros Occidental – Recoletos La Consolacion College – Bacolod Colegio San Agustin – Bacolod Riverside College STI-West Negros University John B. Lacson Colleges Foundation – Bacolod St. John’s Institute St. Scholastica’s Academy Bacolod Tay Tung High School Trinity Christian School Jack and Jill School St. Rose of Lima School
Sa mga banwa kag syudad sa probinsya, solo nga banwa sang E.B. Magalona gid lamang ang nagdeklara nga wala sang klase sa tanan nga elementary kag High School, private kag public.
Suno naman kay DepEd NIR (Region XVIII) Regional Director Gilbert Sadsad, wala sila sang mando sang suspension of classes sa kabilugan apang gintagaan nila sang otoridad ang mga principal nga lantawon ang sitwasyon sa ila tagsa ka lugar.
Ang pinakadako nga bus company nga Vallacar Transit, Inc. ang normal naman ang byahe, lakip man taxi kag trisikol kag bisan pa mga barko padulong sa Iloilo kag Cebu.

{CAPTION}

Facebook Comments