Davao City – Mamahimo na nga makakuha og libreng face mask ug face shield ang Davaoeños nga labing nanginahanglan o walay ikapalit og protective kits batok Coronavirus Disease 2019 (COVID-19).
Matud sa Davao City Information Office (CIO), ang maong libreng kit adunay sulod nga 3 face masks, 1 face shield, ug 1 fan (paypay) alang sa usa ka indibidwal, diin kini mamahimong makuha sa tanang City Social Welfare and Development (CSWDO) districts and barangay offices.
Ang maong libreng face mask ug face shield available sa musunod nga mga lugar:
Metro Circle sa Bankerohan, Magsaysay Park, Talomo District Hall, Baliok Barangay Hall, Agdao District Hall, Ground floor sa Buhangin Proper Brgy. Hall, 2nd floor sa Sasa Brgy. Hall, Bunawan District Hall, Lasang Brgy Hall, Toril District Hall, Tugbok District Hall, Calinan District Hall, Baguio District Hall, Marilog District Hall sa Lumondao.
Padayon gihapon ang pagpakusog sa kampanya sa lokal nga panggamhanan sa health and safety measures partikular na ang pagsuot og face mask, face shield ug social distancing aron kalikayan ang COVID-19.
RadyoMaN Kirby Manzon
