Libreng kapon alang sa mga iring ug iro, gitanyag sa Davao City Vet

Davao City – Magpahigayon ang Office of the City Veterinarian (OCV) Davao og libreng kapon sa mga binuhing iring ug iro sa pipila ka mga Barangay sa dakbayan sa Davao, sugod karong adlawa Oktubre 4, 2023 sa Barangay Mintal, Tugbok District, Davao City.

Nagpahimangmo usab ang buhatan sa mga pet owners sa pipila ka mga kwalipikasyon nga kinahanglan nabakunahan sa anti rabies ug nag-edad 4 ka bulan pataas ang mga binuhing ipakapon.

Subay niini, adunay pagahimoon usab nga libreng kapon ugmang adlawa, Oktubre 5 sa Barangay Lubogan, Toril District, Barangay Los Amigos, Tugbok District sa October 16, Barangay Bago Gallera, Talomo District sa October 18 ug Barangay Bunawan Proper, Bunawan District sa October 19.

Komento sa pipila ka netizens nga sila Bornea Blando ug Erlinda Lagura, nalipay sila kay dunay naka-schedule nga libreng kapon sa iring ug iro sa ilang lugar.

Mamahimong bisitahon usab ang ilang FB page nga Office of the City Veterinarian, alang sa dugang pang mga detalye mahitungod sa guidelines ug requirements sa pagpakapon.

RadyoMaN Kareen Beltran