Davao City – Padayon karon ang kampanya sa City Health Office (CHO) labot sa paglikay sa balatian nga leptospirosis.
Sa interbyu sa DXDC RMN Davao kang Dr. Josephine Villafuerte, CHO head, gibutyag niini nga bisan og walay kaayoy reported cases sa leptospirosis sa syudad apan padayon gihapon ang ilang hugot nga kampaya batok niini.
Gibutyag ni Villafuerte nga gawas sa libreng medisina alang sa mga muadto sa opisina, ginahatagan usab nila ang mga trabahante sa gobyerno sama sa kadtong nagtabaho sa drainage, taga CENRO, traffic ug uban pa.
Gi-awhag usab sa CHO head ang tanan labi na kung ma-expose sa hugaw nga tubig nga gilayong muadto sa pinaduol nga health center.
Nasayran nga subay sa Department of Health (DoH), miabot na sa halos usa ka libo ang kaso sa leptospirosis sa tibuok nasud.
RadyoMaN Kirby Manzon
