Nagpapatuloy pa rin ang paghahatid ng premyo at saya ng mga anchor ng LBMS o Laughter is the Best Magazine Show sa mga nanalo sa ‘Wi-Fi Mo, Sagot ng Radyo Trabaho’ promo.
Isa sa mga masuwerteng nabunot sa raffle draw si Renselle Manlangit ng Mandaluyong City na magse-celebrate rin ng kaniyang kaarawan bukas.
Ayon kay Manlangit, nagpapasalamat siya sa DZXL-Radyo Trabaho at LBMS dahil bukod sa maagang pa-birthday na ito sa kaniya ay makakatulong pa ito sa pagho-homeschool ng kaniyang anak.
Masaya ring tinanggap ni Carl Reymundo ng Caloocan City ang napanalunan niyang libreng prepaid home Wi-Fi.
Aniya, may mga pagkakataon na hindi siya nakakapasok sa kanilang online class dahil mabagal ang kaniyang mobile data.
Pero ngayon na may sarili na siyang Wi-Fi ay lagi na siyang magiging connected sa internet.
Sa ngayon, 16 na mga masusugid na tagapakinig na ang nakatanggap ng libreng Wi-Fi mula sa Radyo Trabaho.
Ngayon hapon naman ay madadagdagan pa ito dahil sunod na pupuntahan ng LBMS Team sina Josephine Tapon ng Tondo, Manila at Estela Clarin ng Valenzuela City.
