Davao City – Dili na himuong mandatory ang negative reverse transcription polymerase chain reaction (RT-PCR) result una mocheck-in sa airport of origin apan himuon na kining mandatory pag-abot dinhi sa Davao International Aiport.
Matud ni Davao City Mayor Sara Duterte-Carpio, subay kini sa ilang nahimong diskusyon kauban ang National Task Force (NTF) ug Inter-agency Task Force (IATF).
“Ang resolution nato with NTF and IATF is that dili na siya himuong mandatory upon check-in sa airport of origin ang RT-PCR result but himuon siyang mandatory upon exit sa Davao International Airport,” saysay sa alkalde.
Gitataw sa Mayor, libre ang gitanyag nga testing pag-abot dinhi sa syudad sa Davao apan kinahanglan silang ibutang sa holding area sulod sa 24 hours o kapin sa paghulat sa resulta sa testing.
Kagahapon July 22, 2020, adunay usa ka flight nga nagbaton og 177 ka pasahero nga wala nagbaton og RT-PRC diin sila ang maoy gi-pilot sa maong bag-ong sistema.
RadyoMaN Kirby Manzon
