CAPIZ – Nagpatigayon sang libreng sakay humalin pa kahapon ang Capiz Provincial Government, DPWH kag Municipal Government sang Panit-an sa mga dalanon nga indi na maagyan sang mga magagmay nga salakyan. Ginpahamtang sang provincial government ang tanan nga mga dumptruck sa Barangay Tabuc Sur kag Agkilo agud nga magpasakay sang mga pasahero.
Nahibaluan nga mataas sa gihapon ang tubig baha sa nasambit nga lugar, nga nagahatag sang hu-ol sa mga residente kag pasahero. May mga pribado man nga truck nga nagbyahe, apang nagapanukot sang bayad nga tig P20.00 kag 50 naman sa may mga motorsiklo.
Magluwas sa Barangay Agkilo, Panit-an, nagtaas man ang tubig sa dalanon sa Barangay Tico kag Agbalo, Panay.
*Photo Credits: Capiz Aksyon News Center*
Facebook Comments
