Libreng Sakay sang LTFRB 12 sa mga HealthCare Workers kag APOR magapadayon.

Magapadayon tubtob sa Hunyo 30 subong nga tuig ang ginapatuman nga Libreng Sakay sang Land Transportation Franchising and Regulatory Board para sa mga HealthCare Workers (HCW) kag Authorized Person Outside of their Residence (APOR) nga magpadulong kag halin sa ila nga trabaho dire sa rehiyon.
Pahayag ni LTFRB 12 Regional Director Paterno Padua ang pondo ang sa idalom sang Bayanihan 2 sa diin nagalab-ot sa P5.58 billion ang gin-alokar sa bug-os nga pungsod para sa nasambit nga programa sang ahensya sa mga APOR kag HCW.
Samtang sa subong suno kay RD Padua ang rota pa lang ang sa Koronadal City to General Santos City vice versa kag magasunod naman suno pa sa iban nga area dire sa rehiyon paagi sa mga i-tap nga bus company.
Sa mga benepisyaro sang Libreng Sakay sang ahensya ipresentar lamang suno pa ang Company ID.
Ginalauman naman nila suno kay RD Padua nga magapadayon ang Libreng Sakay sang ahensya tubtob sa Disyembre subong nga tuig sa tion nga maaprobahan ang ila nga pondo para sa nasambit nga programa.

Facebook Comments