Marawi City – Gilusad karong adlawa, Febrero 23 ang usa ka libro alang sa Marawi City.
Namugna ang maong libro gumikan sa nahi-agumang kalamidad sa maong dakbayan kun asa libo-an ka pamilya ang nawad-an ug kabtangan ingon man panimalay ug kinabuhi dihang mi-atake ang teroristang Maute ISIS sa maong lugar.
Matud ni Dr. Emma Leslie, Executive Director, Centre for Peace and Conflict Studies nga daku ug gibug-aton ang maong libro alang sa katawhan sa Marawi.
Kini tungod gisaysay sulod sa maong libro ang mga kaagi sa katawhan sa marawi gikan sa ilang mga kahimtang sulod sa tagsa-tagsa ka mga Evacuation Center, kahimtang sa ilang gidawat nga ayuda, ilang kabalaka kun aduna paba silay balikan o wala na human naguba ug ayo ilang ilang lugar gumikan sa nasinating giyera.
Samtang, mapasalamaton si Atty. Jamaloden Basar, ang Vice President of Admin and Finance sa Mindanao State University sa tanang naglihok aron mamugna ang maong libro.
Kini tungod iyang nakita ang ka bililhon sa katawhan sa marawi diin iya pang gitandi ang maong libro nga mamahimo unyang sama sa sinulat ni Dr. Jose Rizal kun asa hangtud karon buhi pa ug gibasa pa kadaghanan.
Sa kinatibuk-an, alang kang Basar ang maong libro posibleng makuhaan ug inspirasyon sa katawhan sa Marawi gumikan sa ilang naagi-ang problema padayon kini sila sa pagbarog alang sa ilang pinalangga nga syudad.
Ang maong libro adunay titulo nga Marawi; Rebuilding from Ashes to a City of Faith, Hope and Peace. (Ghiner L. Cabanday, RMN Iligan)
