Davao City – Walay nahitabong pagpang-hostage sa New People’s Army sa mga katawhan sa Barangay Bahi ug Barangay Langawisan, Maragusan, Compostela Valley Province.
Gipaklaro ni 701st Brigade Commander BGen Reuben Basiao nihimo og istorya ang NPA aron mahuraw ang mga katawhan hinungdan nga libuan ka mga residente sa duha ka mga barangay ang daling namakwit tungod sa kahadlok.
Segun ni Basiao walay presensya sa militar sa duha ka mga barangay sukwahi sa ginapakatag sa mga komunista aron nga gamiton nila ang mga tao isip ilang taming.
Nagtibangay karon ang LGU sa Maragusan ug Compostela Valley aron makauli na sa ilang mga pinuyanan ang mga apektadong residente kinsa anaa karon sa Brgy. Talian, Maragusan.
Nanawagan si Basiao sa mga katawhan nga dili magpadala sa pagpanghadlok sa NPA ug dugang niini nga ilang himuon ang tanan seguruhon lamang nga magpabiling malinawon ug luwas ang tanan.
RadyoMaN Aimee Guinita
