Gahapong adlawa, October 3, 2023, gitambungan sa 3,000 ka mga magtutudlo sa Davao Region ang 2023 World Teachers’ Day Regional Celebration sa Davao City atol sa unang adlaw sa Regional Assembly of Education Leaders for Teachers nga gipangulohan sa Davao Region Association of Schools Superintendents (DRASS).
Atol sa maong programa, nagpahigayon og raffle ang buhatan pinaagi usab sa suporta sa mga external stakeholders diin ang mga papremyo nga gidawat sa mga mananaog mao ang laptop, cash, gift certificates, tulo ka motorsiklo ug daghan pang uban.
Sa pakighinabi sa DXDC RMN Davao sa usa ka maestrang si Mharla Barro, puno matud pa og gugma ang iyang kasingkasing tungod pinaagi sa maong programa, nabati niya ang iyang kamahinungdanon isip ikaduhang ginikanan sa iyang mga estudyante.
Gawas sa paghatag og kalingawan, tumong sa maong selebrasyon nga ipabati sa mga magtutudlo ang ilang importansya ug mahatagan og higayon nga madungog usab ang ilang mga mulo diha sa pagpanerbisyo.
RadyoMan Ivy Parido
