Tampakan, South Cotabato-Padayon pa karon nga ginasuta sa kapulisan kung si kinsa ang nanag-iya sa libuan ka punuan sa marijuana plants nga una nang nadiskobrehan sa kapulisan sa Sitio Datal Biao, Barangay Danlag, Tampakan, South Cotabato.
Una nang nakadawat ug report ang Tampakan PNP kalabutan sa matud pa mga marijuanang gitanom sa maong lugar.
Gilangkuban kini ug kapin 100 ka punuan sa fully Grown ug kapin 900 ka bag-ong tanum nga marijuana nga nagkantidad ug kapin P40,000.
Nasayran nga wala na ang cultivator sa maong mga marijuana dihang kini girespondihan sa kapulisan sa lugar kansa gituohang misibat.
Ang mga napang-ibot nga marijuana ang gisunog sa kapulisan ug mga opisyal sa Barangay didto mismo sa lugar aron nga dili na kini mapuslan, samtang parti niini ang gibitbit sa kapulisan aron himuong ibidensya.
