Sa interbyu sa DXDC RMN Davao kang Police Lieutenant Colonel Edgardo Bernardo, Acting Chief of Police sa Tagum City Police Station, libuan ang niduyog ug nipakita’g suporta sa gipahigayong rally.
Segun ni Bernardo, gatusan ka mga police personnel uban ang lain pang security units ang gipakatag aron magbantay sa seguridad sa lugar.
Nagsumikad ang caravan sa Canocotan, Highway bandang alas-7:00 sa buntag ug sa Rotary Park, Barangay Magugpo, Poblacion gipahigayon ang ilahang programa.
Gibutyag sa hepe nga usa kini ka peaceful rally diin mga konsumante usab ang nisalmot sa pagpasibaw sa ilahang nga mulo may kalabutan sa kuryente ug walay mga progresibong pundok ang niuban sa aktibidad.
“Tama lang po na siguro ihayag nila kung ano ang nararamdaman nila, kung affected talaga sila sa mataas na singil ng NORDECO na sinasabi nila. Ang sa amin lang po gawin nating peaceful iyong ating rally ngayon huwag nating samahan ng kung anuman. Andito ang kapulisan para mapayapa nilang mailunsad ang rally nila,” sumala ni Bernardo.
RadyoMaN Aimee Guinita
