Agusan del Norte – Nadakip ng mga tauhan ng PNP Criminal Investigation and Detection Group ang hinihinalang lider at Dalawang miyembro ng isang Carnapping group sa Agusan del Norte.
Kinilala ni Regional Force Unit 13 Chief ng CIDG na si Supt. Cholijun Caduyac ang mga suspek na sina Joshue Canajes, lider ng kilabot na Dumo Group gayundin ang mga kasama nito na sina Markniel Dumo at Merck John Valdehueza.
Naaresto aniya ang mga suspek sa bisa ng Warrant of Arrest na inilabas ng 10th Judicial Region, Branch 1 ng Butuan City sa naturang lalawigan dahil sa kasong Carnapping.
Sinasabing kilala ang grupo sa Carnapping, Robbery, Extortion at pagtutulak ng Marijuana sa bayan ng Buenavista at mga karatig lugar nito.
Bukod rito, nadakip rin ng mga tauhan ng CIDG Laguna ang number 5 Most Wanted Person sa Calauan, Laguna na si Danilo dela Iglesia dahil sa kasong paglabag sa RA 7610 o Anti- Child Abuse Law.
