Davao City – Patay atol sa engkwentro ang giingong commander sa Pulang Bagani Command 3 sa New People’s Army niadtong Dominggo alas 10:45 sa buntag sa may Barangay Baracatan, Toril District ning syudad sa Davao.
Sumala ni 10th Infantry Division Philippine Army spokesperson Captain Jerry Lamosao nga ayha pa man nagkaengkwentro nakadawat ang kasundaluhan og report gikan sa concerned citizen kalabot sa extortion ug recruitment activity nga gihimo sa sakop sa PBC 3 sa pagpanguna sa ilang giingong lider nga si Viva Albert Abenua alyas Ivy, 37 anyos, taga-Ilang-ilang, San Mariano, Agusan del Sur.
Nilungtad og 30 minutos ang binarilay tali sakop sa gobyerno ug mga NPA ug dinhi usab nakabsan sa iyang kinabuhi si Abenua.
Nahibilin na sa encounter area ang patayng lawas niini atol sa pag-iktad sa mga sakop sa PBC 3.
Nakigkoordinar ang AFP ngadto sa PNP ug gidala na ang patayng lawas niini sa punerarya.
Narekober sa kasundaluhan ang daghang mga high powered firearms, mga magazines nga adunay mga bala, subersibong mga dokumentos ug uban pang mga kagamitan.
Gidayeg ni 10thInfantry Division commander Major General Noel Clement ang militar sa nahimong accomplishment sa sakop sa 3rd IB.
“I commend the troops for theiruntiring commitment to duty in bringing peace in our area of responsibility and weakening enemy’s will to fight. The CNTs’ leadership is collapsing through the death of alias Ivy, Commanding officer of Pulang Bagani Company 3. His subordinates no longer care for him upon his death,” matud niini.
Giaghat usab sa AFP ang nahibiling mga sakop sa PBC 3 nga mubalik na sa sabakan sa gobyerno.
RadyoMaN Aimee Guinita
