Davao City – Nagmalampuson ang kapulisan sa Talomo PNP sa pag disperse sa mga nag picket nga trabahante sa Coca Cola FEMSA Plantation sa Bago Aplaya Davao City.
Giserhan sa mga membro sa Kilusang Manggagawa sa Coca-Cola (KIMACO) ang duha ka gate sa planta alas 5:00 sa kaadlawon nga miresulta sa pagparalisar sa operasyon ug pagkatanggong sa ubang mga empleyado.
Wala makagawas ang mga delivery truck nga puno og softdrinks tungod kay nanghigda sa karsada ang mga membro sa union tungod sa gate sa maong planta.
Daling nangayo ug police assistance ang mgt sa Coca-Cola rason nga gihangyo ni PCI Ronald Lao si Ulises Bantayan, ang lider sa KIMACO nga mupadaplin kay kalapasan ang ilang gihimo nga pagbabag sa agianan.
Giawhag ni PCI Lao ang mga raliyista nga himuon ang ilang protesta sa ensaktong proseso apan wala maminaw ang mga raliyista rason nga napugos ang mga pulis nga idisperse sa picketline ang mga membro sa union nga gipaluyuhan sa Kilusang Mayu Uno (KMU).
Gi aresto ang mga lider sa KAMICO ug pasakaan ug kasong grave coersion sa kapulisan human madelatar ang operasyon sa maong planta sulod sa taas nga panahon.
Nag protesta ang mga trabahante human wala gi renew ang ilang kontrata sa agency nga wala usab kuno sa proseso.
RadyoMaN Erin Lumosbog
