Davao City – Gipahinumdom sa City Government of Davao pinaagi sa Davao City COVID-19 Task Force (TF) sa mga Davaoeños ang pagsunod sa health protocols karong holiday season ilabina alang sa Ligtas Christmas.
Gisaysay ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio), gikinahanglan ang istriktong pagsunod sa minimum public standards batok Coronavirus Disease 2019 (COVID-19), ilabi na ang pagpabakuna alang sa dugang proteksyon sa risgo sa COVID-19 transmission.
“We need you to follow every single thing or every single strategy para ma-protect nato or mitigate nato ang risk or spread of infection diri sa Davao para mas safer ang atong Christmas, para sa Ligtas Christmas,” saysay ni Schlosser.
Subling gipasidaan sa health official sa publiko ilabi na karong bisperas sa Pasko nga mag-amping ilabi na mga mall o mga establisyemento nga makonsiderang high-risk areas sa takod sa COVID-19.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
