Ligtas COVID-19 Center dinhi sa syudad giplastar na sa LGU PAGADIAN

24

Pagadian City – Giplastar na sa kagamhanang lokal sa syudad sa Pagadian ang Pagadian City Infirmary nga pagahimoong Ligtas COVID-19 Center sa syudad human ma validate ug aprubahan na sa Department of Health Region 9.

Kamulo na nga nangabot sa maong establisimento ang mga ekwipo o galamiton sa balay tambalan.


Adunay 14 ngadto sa 18 ka mga beds o katre alang sa mga pasyente ang infirmary.
Gikatakdang butangan pa ug partition ang matag katre arun dili magkadug-ol ang mga pasyente nga anaa sulod sa ward.

Ang mga indibidwal nga e isolate sa giandam nga infirmary mao ang mga adunay close contact sa COVID-19 Confirmed patients, mga Suspect ug Probable COVID-19 cases nga adunay mga ginagmayng sintomas ug lakip na mga gipapauli sa probinsya nga nagpositive sa rapid test.

Plano usab kini nga himoong Step Down Facility sa mga kanhing COVID-19 Confirmed patient nga nag negatibo na sa swab test apan kinahanglan pang e-quarantine.
Gilaumang aduna pay mga hospital & laboratory equipment nga moabutay dinhi sa syudad.
(Courtesy: Asenso Pagadian)

Facebook Comments