Quezon City – Sapul sa CCTV ng Brgy. Socorro Cubao QC ang rambulan ng dalawang grupo ng kalalakihan alas-dos pasado ng madaling araw.
Unang makikita ang grupo ng biktima kasama ang dalawang iba pa na papasugod sa isang iskenita.
Pero bigla nalang silang umatras matapos makasalubong ang kanilang kaaway na limang lalaki na pawang may hawak na patalim at bote.
Sa takbuhan inabutan ang biktimang si Oliver Gallardo, 46 taon gulang na agad bumulagta sa kalsada matapos pagtulungang tagain gamit ang pang tadtad ng baboy habang binabato pa ng bote.
Himalang nakaligtas si Gallardo matapos magtamo ng 3 hiwa sa ulo, 3 hiwa sa likod at mga sugat sa iba’t-ibang bahagi katawan.
Nabatid na rumesponde lamang sa lugar ang biktima matapos mapag tripan ang kanyang pinsan.
Pinaghahanap pa ang tumaga sa biktima na nakilalang si Erick Miyao na nakakasuhan ng frustrated murder pati ang tatlong iba pa sa video na sila Acer Pineda, Jerick Ditores at Alvin Manalo.
