Davao City – Magpahigayon karong adlawa og lihok-protesta ang mga organisasyon ilalum sa Bagong Alyansang Makabayan kalabot sa pagbisita ni Chinese President Xi JinPing dinhi sa nasud.
Sa pakighinabi sa DXDC RMN Davao kang Carlo Olalo, Secretary General sa Kilusang Mayo Uno (KMU) – Southern Mindanao, gibutyag niini nga aduna silay pagahimong pag-rehistro o panagtapok sa Freedom Park ning syudad alas-10 karong buntag.
Saysay ni Olalo nga ang maong lihok-protesta nagpasabot nga dili welcome ang president sa China labi na sa hisgutanan sa West Philippine Sea diin aduna na matud pay nadaug nga desisyon sa International Court sa maong isyu.
Wala sumala pa girespeto sa nasud China ang katungod sa Pilipinas labot sa West Philippine Sea.
Dugang pa nga usa pud niini ang pagsuporta sa China sa mga proyekto ni Pangulong Rodrigo Duterte sa build, build build program.
Gibutyag sa secretary general nga dili mulungtad og dugay ang maong lihok protesta.
RadyoMaN Kirby Manzon
