Davao City- Gipatilaw og prisohan sa Buhangin PNP ang lima ka sugarol aron
matagam ug mangundang sa bisyo sa sugal sa hantak ug tong-its.
Aron mukaon og tagam gidut-an sa kapulisan ang mga dinakpan pinaagi sa
pagsang-at sa kaso sa korte tungod sa paglapas sa Presidential Decree
No.1602 kun illegal gambling.
Unang mga nadakpan mao sila Felipe Barolan ug Fedie Lumanog ug pulos
nagpuyo sa Indangan Buhangin ning siyudad.
Ang duha naabtan sa kapulisan nga nagsugal og hantak sa naasoy nga lugar
hinungdan gipangdakop sila pasado 2:00 sa kahapunon.
Gipangsikop usab sila Ruby Paz, Noe Fino, ug Alvin Dongel, pulos hamtong ug
nagpuyo sa Carnation St.Buhangin human sila naaktohan nga nagdula og
tong-its pasado alas-5:00 sa kahaponon.
Nakumpiska gikan sa lima ang paraphernalias sa hantak ug tong-its maingon
usab ang gatusan nga pusta sa ilang sugal.
RadyoMaN Joel Viray
