Davao City- Gipasakaan ang lima ka mga suspect sa pagdunggab patay sa lalaking naghatud sa iyang uyab sa kasong Murder sa City Prosecutor’s Office syudad sa Davao, batok nila Ryan Paul Braganza Mirasol, 20 anyos, residente sa Purok 8 Ilocano Village Toril, Albasser Arillano Diomadil, 34 anyos, technician, nagpuyo Brgy 21-C Piapi Boulevard ug Jonel Diamodil, 29 anyos, residente sa naasoy nga lugar.
Samtang ang duha nga sila Roy Revilla, 21 anyos, ug Sonny Diamodil, alyas San-San ,19 anyos, pareho nagpuyo sa Purok 13 Kasilak Brgy 76- A Bucana, gipasakaan og kaso kalapasan sa akta republika 9165 o Comprehensive Dangerous Drugs Act of 2002.
Kahinumduman, nadakpan ang lima human gitudlo nga maoy nagtabang sa pagkulata ug pagdunggab sa biktima nga si Maverick Abellaneda, 21 anyos, nagpuyo sa GK Relocation, Tibungco syudad sa Davao nga igo lang naghatud sa iyang uyab sa Bilusa, Bucana nga miresulta sa kamatayon niini.
Kasamang Bernard Pantallon
